ບໍລິສັດນຳເຂົ້າລົດໄຟຟ້າຈາກ ສປ ຈີນ ແລະ ຈຳໜ່າຍສູ່ຕະຫຼາດໃນ ສປປລາວ ຈຸດປະສົງເພື່ອຂະຫຍາຍຕະຫລາດລົດໄຟຟ້າໃຫ້ເປັນທີ່ຮູ້ຈັກຫລາຍຂື້ນ. ການນຳໃຊ້ລົດດ້ວຍພະລັງງານໄຟຟ້າເປັນໂຕຂັບເຄື່ອນໃນຮູບແບບ 100% ເປັນອີກທາງເລືອກໜຶ່ງໃນສັງຄົມປະຈຸບັນເພື່ອໃຫ້ຜູ້ບໍລິໂພກເລືອກແບຼນ ແລະ ຜະລິດຕະພັນທີ່ເໝາະສົມໄດ້ຫຼາຍຂຶ້ນ, ສາມາດຫຼຸດຄ່າໃຊ້ຈ່າຍໄດ້ຫຼາຍຍິ່ງຂຶ້ນ ແລະ ຍັງເປັນມິດກັບສິ່ງແວດລ້ອມເພື່ອຫຼຸດພາວະໂລກຮ້ອນ.

ບໍລິສັດ Baojun ເປັນອີກບໍລິສັດໜຶ່ງທີ່ຜະລິດລົດໄຟຟ້າອອກສູ້ຕະຫຼາດໃນຈີນ ແລະ ສົ່ງອອກຂາຍໃນທົ່ວຕະຫຼາດເອເຊຍ ປະຈຸບັນກຳລັງເປັນທີ່ນິຍົມໃນເອເຊຍເຊັ່ນ: ລາວ, ໄທ, ສິງກະໂປ, ອິນໂດເນເຊຍ ແລະ ອີກຫຼາຍປະເທດ. ບໍລິສັດ Baojun ສ້າງຕັ້ງຂຶ້ນໃນປີ 2010 ຈາກການຮ່ວມມື ລະຫວ່າງກຸ່ມ General Motor SAIC ແລະ Wuling. ລົດ Baojun ອອກແບບໃນສະໄຕລ໌ MINI ກະຖັດຫັດ ຊ່ວງເປິດໂຕເຮັດໃຫ້ຍອດຂາຍເພີ່ມຂຶ້ນຢ່າງວ່ອງໄວໃນປີ2016 ມີຍອດຂາຍ 688,390ຄັນ, ປີ 2017 ມີຍອດຂາຍສູງເຖິງ 996, 299 ຄັນ. ຖືໄດ້ວ່າການຕະຫຼາດ ແລະ ກົນລະຍຸດການຂາຍມີທ່າແຮງແບບກ້າວກະໂດນເຮັດໃຫ້ປະຈຸມີການພັດທະນາລົດໄຟຟ້າອອກມາຫຼາກຫຼາຍຮູບແບບເພື່ອເປັນທາງເລືອກໃຫ້ແກ່ຜູ້ບໍລິໂພກຫຼາຍຍິ່ງຂຶ້ນ.